СОЬЛЖА-ГIАЛАХЬ СТУДЕНТАШНА ДИЙЦИРА ДЕЗАЧУ КЪУРЪАНАН СИЙЛАЛЛЕХ ЛАЬЦНА
Цхьаъ йолу Концепци кхочушйаран гурашкахь департаментан директор Абдулаев Аслан цхьаьнакхийтира Нохчийн Пачхьалкхан колледжан дешархошца.
Абдулаев Аслана шен къамел д1адолийра, Волгоградехь Къуръан дагор массо а бусалба нах сийсазбар ду аьлла. Мухьаммад-Пайхамаран(Делера салам-маршалла хуьлийла цунна), устазийн, авлияийн дахаран а, ткъа иштта вайн заманахьлерчун а масалш а далош, кегийчу нахаца уьш кхетачу маттаца къамел дира 1еламстага. Цо билгалдаьккхира динца бен а воцуш хиларо, иза йемалдаро, цуьнца долу мехалниг цахааро зулам дахьаш хилар.
Студенташа леррина ладуьйг1ира Асланан къамеле. Цхьаьнакхетар чекхдолуш, цара доккха баркалла элира департаментан директорна сел пайден а, дика а хьехам цо барна. Шен аг1ор Абдулаев Аслана а д1ахаийтира, ша муьлххачу хенахь къамелана а, хаттарна жоп дала а кийча ву аьлла.